Спартыўны дайвінг - група дысцыплін падводнага спорту. Гэта дастаткова малады напрамак падводнага спорту, але дысцыпліны спартыўнага дайвінга афіцыйна прызнаны ў свеце (Сусветнай Канфедэрацыяй падводнай дзейнасці — CMAS) і ў Беларусі, і занесены ва Усерасійскі рэестр відаў спорту. У нашай краіне гэтым відам спорту займаецца Беларуская федэрацыя падводнага спорту (БФПС).
Апісанне дысцыплін
У цяперашні час спаборніцтвы праводзяцца ў дысцыплінах:
Дайвінг - камбінаванае плаванне (Trial M)
Дайвінг - паласа перашкод (Obstacle course)
Дайвінг - начны (Night diving)
Дайвінг - пад'ём грузу (Emersion 6 кg)
Таксама CMAS была зацверджана дысцыпліна "Брыфінг", але не атрымала шырокага распаўсюджвання, і практыкуецца толькі энтузіястамі з Іспаніі.
Камбінаванае плаванне. Спартсмен павінен максімальна хутка прайсці дыстанцыю, часткова пад вадой з выкарыстаннем аўтаномнага дыхальнага апарата (акваланга), часткова па паверхні вады, выкарыстоўваючы дыхальную трубку.
Паласа перашкод. Спартсмен павінен максімальна хутка прайсці дыстанцыю, пераадольваючы перашкоды і выконваючы пэўныя практыкаванні, якія базіруюцца на навыках рэкрэацыйнага дайвінга (зняцце-апрананне маскі, дыханне з актопуса, зняцце-апрананне акваланга). Пры ацэнцы выніку ўлічваецца час праходжання дыстанцыі і чысціня выканання практыкаванняў.
Начны дайвінг. Спартсмен павінен ва ўмовах адсутнасці бачнасці максімальна хутка сабраць 3 грузу, кожны вагой 1 кг, размешчаныя ў выпадковым парадку на некаторай адлегласці ад спускавога канца. Адсутнасць бачнасці ствараецца за кошт апранання на маску спецыяльнага святлонепранікальнага чахла.
Пад'ём грузу. Спартсмена павінен максімальна хутка даплысці да шасцікілаграмовага грузу, які размешчаны на дне басейна за 25 метраў ад лініі старту, і ўзняць яго на паверхню. Пад'ём грузу ажыццяўляецца з дапамогай стандартнага буя, момант з'яўлення буя з грузам на паверхні лічыцца фінішам.
Гісторыя
Спаборніцтвы з выкарыстаннем акваланга праводзіліся ў розных краінах яшчэ з 60-х гадоў 20-га стагоддзя. Пазней адбылося аддзяленне спартовых дысцыплін ад падводнага плавання з аквалангам (дайвінга). Спорт стаў развівацца ў напрамку дасягнення хуткасці. Акваланг замянілі на балон, які спартовец трымае ў руках перад сабой. А падводнае плаванне з аквалангам развівалася ў напрамку камерцыйнага і рэкрэацыйнага дайвінга. Але клубныя спаборніцтвы па дайвінгу праводзіліся ў многіх краінах у якасці забаўкі. У пачатку 21 стагоддзя шырока распаўсюджаны ва ўсім свеце рэкрэацыйны дайвінг ізноў набыў спаборніцкі аспект дзякуючы новым дысцыплінам падводнага спорту. Ідэя стварэння спартыўнай дысцыпліны, якая дала б магчымасць дайверам бяспечна спаборнічаць у сваім майстэрстве, спела даўно. У 2004 годзе Федэрацыя падводнага плавання Іспаніі падала на разгляд у CMAS праект дысцыпліны Камбінаванае плаванне (Trial M), які спалучае ў сабе элементы дайвінга і плаванні ў ластах. Першыя дэманстрацыйныя спаборніцтвы прайшлі ў Сарагосе. У 2007 годзе Федэрацыя падводнага спорту Расіі прапанавала праект спаборніцтваў, якія базуюцца на навыках рэкрэацыйнага дайвінга. У 2008 годзе дысцыпліны спартыўнага дайвінгу былі прызнаны афіцыйна[2].
З 2007 года пачалі праводзіць спаборніцтвы па дысцыплінах Trial M і Obstacle course, а з 2012 Night diving і Emersion 6 kg.
2004 - на Генеральнай Асамблеі CMAS (Севілья, Іспанія) прадстаўлены праект новай дысцыпліны «Камбінаванае плаванне», якая аб'ядноўвае навыкі хуткаснага плавання ў ластах і рэкрэацыйнага дайвінга
2007 - праведзена дэманстрацыя дысцыпліны "Камбінаванае плаванне" на Сусветных Гульнях CMAS (Бары, Італія)
2007 — Ганна Аржанава прадставіла CMAS праект дысцыпліны спартыўнага дайвінгу "Паласа перашкод", дысцыпліна цалкам грунтуецца на навыках рэкрэацыйнага дайвінга.
2007 - Сусветная Канфедэрацыя падводнай дзейнасці (CMAS) афіцыйна прыняла новыя спартыўныя дысцыпліны:
"Камбінаванае плаванне" (Trial M) "Паласа перашкод" (Obstacle Course)
05. 2008 — Першыя Міжнародныя спаборніцтвы па дайвінгу (Хургада, Егіпет)
09. 2008 — Другія Міжнародныя спаборніцтвы па дайвінгу (Масква, Расія)
2009 - Першы Кубак свету (Санкт-Пецярбург, Расія)
2010 - Першы Чэмпіянат Еўропы (Казань, Расія)
2011 — Другі Кубак свету (Вальядалід, Іспанія)
2012 — Другі Чэмпіянат Еўропы (Перм, Расія)
Перспектывы развіцця
Спартыўны дайвінг можа быць цікавы:
для дайвераў, якія жадаюць паспрабаваць свае сілы ў спорце, узроставых абмежаванняў тут няма, але ёсць рэальны шанец дасягнуць поспеху і афіцыйных спартовых званняў;
для спартсменаў, якія жадаюць паспрабаваць сябе ў іншым відзе спорту;
для бацькоў, якія шукаюць для дзяцей займальны, сучасны і нетраўматычны від спорту;
для гледачоў, паколькі ўяўляе сабой азартнае і цікавае відовішча;
для рэкламадаўцаў, паколькі прыцягвае ўвагу і цікавасць гледачоў, дайвераў, спартсменаў;
для вытворцаў рыштунку для дайвінга і плавання, паколькі дае зусім новае поле для мадыфікацыі і рэалізацыі іх прадукта;
для дайвінг-інструктараў, паколькі спаборніцкая дзейнасць дае добрую матывацыю для наведвання клубаў, далейшага навучання і трэніровак.
Спартыўны дайвінг у Беларусі.
Беларуская Федэрацыя падводнага спорту стаіць ля вытокаў гэтай дысцыпліны ў свеце. На Генеральнай асамблеі CMAS беларуская дэлегацыя галасавала за прызнанне гэтага віду Сусветнай Канфедэрацыяй падводнай дзейнасці. Сяргей Патрыкееў і Вячаслаў Рамановіч сталі бронзавымі прызёрамі Першых Міжнародных спаборніцтваў па дайвінгу ў Хургадзе, Егіпет у 2008 годзе.
На Другіх міжнародных спаборніцтвах у Маскве ў 2008 годзе беларуская зборная была трэцяй.
На Першым кубку Міра ў 2009 годзе ў Санкт-Пецярбургу беларуская зборная заваявала серабро.
На Першым Чэмпіянаце Еўропы ў Казані, Расія нашы дзяўчаты майстры спорту Сліпчанкі Ірына і Наталля ... становяцца сярэбранымі прызёрамі.
Асноўнай базай навучання спартыўнаму дайвінгу становіцца клуб "Капітан Морган" беларускай федэрацыі падводнага спорту, дзе падрыхтоўку ў гэтым відзе спорту вядзе сярэбраны прызёр Чэмпіянату Еўропы майстар спорту міжнароднага класа Ірына Сліпчанка.